1910: Gjithçka filloi me Sika-1 dhe tunelin Gotthard

Themelimi i Sika-s

I shtyrë nga fryma e tij sipërmarrëse Kaspar Winkler, hodhi gurin e themelit të kompanisë sonë në 1910. Ai shpiku Sika-1, një aditiv hidroizolues për llaç me mpiksje të shpejtë, i cili u përdor për hidroizolimin e tunelit Gotthard, duke bërë të mundur që kompania hekurudhore zvicerane të furnizonte me energji elektrike këtë linjë të rëndësishme hekurudhore midis Europës së Veriut dhe Jugut.


Inovacioni takon kërkesën

Kaspar Winkler njohu nevojën e ardhshme globale për aditivët e tij “inovatorë” dhe hapi filiale nëpër botë. Që në vitet 1930, 15 filiale Sika në Europë, SHBA, Argjentinë, Brazil dhe Japoni themeluan tregjet e reja të kimikateve për sektorin e ndërtimit.

Kaspar Winkler, founder of Sika
Figura: Kaspar Winkler, founder of Sika
Periudha 1910 - 1935: Ndërtimi i tunelit Gotthard
Waterproofing works in the Hudson Tunnel
Figura: Waterproofing works in the Hudson Tunnel

Pas vështirësive të mëdha të viteve të para, suksesi erdhi kur Hekurudha Federale e Zvicrës kreu testime të suksesshme duke përdorur Sika për hidroizolimin e tuneleve të sektorit Gotthard. Kjo gjë ishte e nevojshme në mënyrë që të mund të përdoreshin edhe trenat elektrikë. Hekurudha Kombëtare e Zvicrës hidroizoloi 67 tunele me Sika gjatë viteve në vijim.

Përhapja jashtë vendit

Pas këtij suksesi, Kaspar Winkler provoi potencialin për jashtë vendit. Ai kuptoi se i nevojitej një menaxher me përvojë ndërkombëtare dhe punësoi një drejtor për bizneset jashtë vendit, i cili themeloi filiale në Angli, Itali dhe Francë midis 1926 dhe 1928.  

Megjithatë, drejtori nuk donte të ishte një punonjës – ai donte të ishte një partner. Nëpërmjet marrëveshjeve të mençura që lidhi, ai bëri të pamundur largimin e tij nga puna dhe palët ishin në gjyq për vite të tëra derisa kompania u nda sërish me arbitrazh në 1932.   

Në 1928, dhëndri i Winkler, Fritz Schenker, u bë pjesë e Bordit Ekzekutiv të kompanisë dhe ndoqi një politikë përhapjeje në të gjithë botën. Deri në 1935 Sika ishte e pranishme ne Europë, Amerikën veriore dhe Azi.  

Periudha 1935 - 1970: Lulëzimi dhe kriza
Fritz Schenker (third from right) on a visit in Santiago de Chile, October 1959
Figura: Fritz Schenker (third from right) on a visit in Santiago de Chile, October 1959

Gjatë Luftës së Dytë Botërore kohët ishin të vështira, por kompanitë Sika paten sukses duke vazhduar punën e tyre.  

Me ardhjen e Romuald Burkard në kompani, filloi ndryshimi në brezin e dytë në Zvicër. Midis ardhjes së tij në kompani në 1953 dhe vdekjes së vjehrrit të tij Fritz Schenker në 1971, Burkard mori përsipër gradualisht drejtimin e kompanive të grupit. Sika u rendit në Bursën e Zvicrës.

Megjithatë, gjatë zhvillimit të bujshëm të ekonomisë në fundin e viteve '60, Sika pësoi një krizë serioze dhe sapo kishte shmangur falimentimin.

Periudha 1970 - 1990: Drejt tregjeve të reja... dhe Frymës Sika (Sika Spirit)
The adhesive Sikaflex was used for the windscreen of the BMW 7 series of the late 80's
Figura: The adhesive Sikaflex was used for the windscreen of the BMW 7 series of the late 80's

Recesioni i rëndë gjatë viteve '70 përforcoi Frymën Sika. Ajo u krijua në këto vite dhe qëndroi për mënyrën se si punonjësit ndjenë përgjegjësi personale për punën e tyre dhe kompaninë në tërësi, si dhe solidaritetin dhe qëndrimin optimist të punonjësve ndaj kompanisë. Fryma Sika formon ADN-në e kompanisë sonë deri në ditët tona.


Me ngjitësin shumëpërdorimesh Sikaflex, Sika hapi një fushë të re biznesi në vitet 1980: industrinë e automobilave. Gjatë procesit Sika devijoi nga rruga e saj tradicionale e kimikateve të ndërtimit. Me Sikaflex dhe llaçet e sapo prezantuar në treg, Sika ishte në rrugën e duhur drejt së ardhmes.


Një tjetër grup i rëndësishëm produkti i cili pati mundësi t’i rezistonte krizës ishte "Restaurimi dhe mirëmbajtja". Që të reduktohej varësia nga industria e ndërtimit në të ardhmen, seria e produkteve për "Restaurim dhe mirëmbajtje" u përhap në mënyrë të posaçme. Është një fushë tregu e cila është duke u ndjekur deri më sot.

Periudha 1990 - 2010: Rritje e shpejtë
Heat Welding of Sikaplan® sealing sheets
Figura: Heat Welding of Sikaplan® sealing sheets

Sika përjetoi dhjetëvjeçarin e rritjes së saj më të shpejtë. Vetëm midis 1990 dhe 1995, u themeluan 16 filiale të reja. Të ardhurat u rritën nga 2 miliardë CHF në më shumë se 4.6 miliardë CHF, një pjesë e madhe e tyre vinin nga 36 kompanitë e blera midis 2000 dhe 2008. Gjatë së njëjtës periudhë, fuqia punëtore u rrit nga 8,000 në 13,000.

Thanks to Sika ViscoCrete it was possible to pump concrete up to the topmost floors of the 180 metre high "Turning Torso" in Malmö, Sweden, and to give the fair-faced concrete facade a surface smooth as glass
Figura: Thanks to Sika ViscoCrete it was possible to pump concrete up to the topmost floors of the 180 metre high "Turning Torso" in Malmö, Sweden, and to give the fair-faced concrete facade a surface smooth as glass

Nga bazamenti tek çatia

Që nga viti 2000, aktivitetet kryesore të Sika-s përmblidhen në ngjitje, izolim, amortizim akustik, përforcim dhe mbrojtje. Nga bazamenti tek çatia, Sika synon të bëhet lider në treg në këto disiplina teknologjike.

Sika Technology Center
Figura: Sika Technology Center in Zurich, Switzerland
Sika Technology Center

PERIUDHA NGA VITI 2010: Rritje dhe inovacion i vazhdueshëm

Rritja qendron në qendër të strategjisë Sika. Nisma të ndryshme kontribuojnë për arritjen e synimeve. Që në vitin 2015 Sika ka blerë 20 kompani, ka hapur 11 filiale dhe 37 fabrika të reja. Është zbatuar koncepti i suksesshëm Target Market dhe megatrendet shkojnë drejt rritjes. 

Në këtë kontekst, inovacioni është një nga shtyllat e strategjisë së Sika-s për rritje: u dhanë 333 patenta të reja dhe 20 Qendra Globale Teknologjie funksionojnë nëpër të gjithë botën. Sika është e angazhuar për zhvillimin e qëndrueshëm (sustainable). Strategjia për qëndrueshmëri e Sika-s filloi me një nisje të suksesshme, duke bërë që kompania të tejkalojë shumicën e synimeve të saj për 2015. Udhëzimet e Nismës për Raportim Global (Global Reporting Initiative) kanë ofruar kuadrin për raportimin e qëndrueshmërisë (sustainability) që nga 2013.

Në maj 2017, Sika hyn në Swiss Market Index (SMI), indeksi kryesor i bursës zvicerane, ku përfshihen 20 kompanitë Blue Chip të Zvicrës. Kjo përfaqëson një periudhë të veçantë në historinë e Sika-s dhe një arritje të madhe që u bë e mundur vetëm falë strategjisë së suksesshme për rritje dhe menaxhimit të përqëndruar tek performanca. 

Në maj 2018, Sika, familja Burkard dhe Saint-Gobain nënshkruan marrëveshje të cilat mbyllën dhe zgjidhën mosmarrëveshjen midis tyre me përfitime për të gjitha palët e përfshira, dhe të aksionerëve përkatës.

Në maj 2019, Sika përfundon blerjen e Parex, blerja më e madhe në historinë e kompanisë. Me këtë blerje, Sika përforcoi më tej pozicionin kryesues në botë për kimikatet e ndërtimit.